Жол апаты 24 қарашада Алматы – Бішкек тас жолының 65-ші шақырымында болды, деп хабарлайды qandastar.kz порталы.
Облыстық полицияның мәліметінше, 23 жастағы Audi жүргізушісі рөлді басқара алмай, Toyota көлігімен соқтығысқан.
«Жол апаты салдарынан екі жүргізуші де, үш жолаушы да алған жарақаттарынан оқиға орнында қайтыс болды. Тағы бір жолаушы ауруханаға жеткізілді, бірақ медициналық көмекке қарамастан, ол сол жерде қайтыс болды. Тағы бес жолаушы әртүрлі жарақаттар алды және бақылауда», — делінген Алматы облыстық полиция департаментінің мәлімдемесінде.
Полиция апаттың мән-жайын тексеріп, тергеу жүргізуде.
Тергеу жұмыстарын Алматы облыстық полиция департаменті мұқият бақылауда ұстап отыр.
