Almaty oblysynda jigitti kúshtep áskerge áketip, artynsha psıhıatrııalyq dıspanserge jaqyndarynyń ruqsatynsyz jatqyzyp tastaǵan

Foto: Jaqyndarynyń jeke arhıvi

Almaty oblysynda zaǵıp anasyn baǵyp júrgen jigitti kúshtep áskerge áketip, eki kún áskerı komıssarıatta ustap, Taraz bólimshesine jibergen, dep jazdy qandastar.kz

Soraqysy, birneshe aptadan keıin jigit psıhıatrııalyq dıspanserden bir-aq shyqty. Bul týraly Stan.kz aqparat agenttigi habarlaıdy.

Armanjan Aryqbaı kózi nashar kóretin anasyn qarap júrgen. Orda.kz saıtynyń bergen málimetinshe, ony Qonaevqa kúshtep aparyp, keıin Tarazdaǵy №5513 áskerı bólimine jibergen. Birneshe aptadan keıin ata-anasynyń kelisiminsiz, eshqandaı túsiniktemesiz psıhıatrııalyq dıspanserge aýystyryldy.

Ulttyq ulannyń «Ońtústik» óńirlik qolbasshylyǵynyń baspasóz qyzmeti jaǵdaıǵa qatysty túsinikteme berdi. Sózderinshe, 17 maýsymda jigittiń talmasy ustap, dereý medıınalyq mekemege jetkizilgen.

«Arqasyn tik ustaı alady»: Erbaıan Muhtar áskerdegi jaraqatynan keıin saýyǵyp keledi

Qazaqstanda endi jigitterdi áskerge kósheden alyp kete almaıdy: Jańa zań qabyldandy

“Sarbazdyń aıtýynsha, ol áskerge shaqyrylǵanǵa deıin basynan jaraqat alǵan, sodan keıin ol osyndaı jaǵdaılardy mezgil-mezgil basynan ótkergen. Qazir ol Almatydaǵy respýblıkalyq psıhıkalyq densaýlyq ortalyǵynda tekserýden ótip jatyr. Jaǵdaıy qanaǵattanarlyq, tereńdetilgen medıınalyq tekserýden ótip, qajet medıınalyq kómek kórsetilip jatyr”, – delingen habarlamada.

Eske salaıyq, buǵan deıin Nazarbaev ýnıversıtetine oqýǵa túsken jigitti quzyrly organ ókilderi áskerge kúshtep alyp ketkeni týraly habarlaǵan edik.