Almaty oblysynyń ákimi qansha jalaqy alady?

Almaty oblysy ákimi Marat Sultanǵazıevtiń qansha jalaqy alatyny belgili boldy, dep jazdy qandastar.kz.

Almaty oblysy ákiminiń baspasóz qyzmetiniń jetekshisi Janna Arynbekovanyń aıtýynsha, aımaq basshysynyń jalaqysy 2 mıllıon teńgeden asady. Bul somany ol memlekettik qyzmettegi 20 jylǵa jýyq tájirıbesiniń arqasynda alyp otyr.

«Oblys ákiminiń eńbegine aqy tóleý Qazaqstan Respýblıkasy Úkimetiniń 2017 jylǵy 16 qazandaǵy «Oblys bıýdjeti esebinen ustalatyn barlyq organdardyń qyzmetkerlerine eńbekaqy tóleýdiń biryńǵaı júıesin bekitý týraly» qaýlysy negizinde esepteledi. Memlekettik saıası jáne ákimshilik qyzmetshilerge eńbekaqy tóleý shemasyna sáıkes, Almaty oblysy ákiminiń laýazymdyq jalaqysy 18 jyldan joǵary jumys ótilin eskere otyryp, 2 414 264 teńgeni quraıdy», – dedi oblys ákiminiń baspasóz hatshysy.