Almaty turǵyny tórtinshi qabattaǵy balkonǵa órmelep shyǵyp, órtti sóndirdi

Almaty qalasynyń «Alma Sıtı» turǵyn úı keshenindegi tórtinshi qabattaǵy páterlerdiń biriniń balkonynda qoqys órtengen, dep habarlaıdy turkystan.kz.

Oqıǵa 4 maýsym kúni keshke bolǵan. Páterdiń balkonynda qoqys órtenip, órttiń aýmaǵy nebári bir sharshy metrdi quraǵan.

«О́rt sóndirý bólimsheleri kelgenge deıin órtti ótip bara jatqan azamat – Ahmetov esimdi turǵyn sóndirdi. Ol batyldyq tanytyp, balkonǵa kirip, janǵan qoqysty jerge laqtyrǵan. Osy áreketi arqyly ol órttiń taralýyna jáne yqtımal aýyr zardaptarǵa jol bermedi», – dep habarlady TJD.

Sonymen qatar, vedomstvo ókilderi er adamdy TJM basshysynyń atynan marapattaýǵa usynǵandaryn aıtty.