Қазақстандық актер Мұрат Бисембинмен қоштасу рәсімі бүгін, 9 қаңтар күні сағат 10:00-ден бастап Алматы қаласындағы Орталық мешітте (Пушкин көшесі, 16) өтеді. Қоштасу рәсімінің күні, уақыты мен орны туралы ақпаратты актердің қызы хабарлады, деп жазды qandastar.kz порталы.
Мурат Бисембин 54 жасқа қараған шағында өмірден өтті. Ол отандық кино көрерменіне кеңінен танылған, харизмасымен, экрандағы әсерлі бейнелерімен және жарқын актерлік шеберлігімен есте қалған өнер иесі. Әсіресе «Рэкетир» фильміндегі Руслан рөлі актерге ерекше танымалдық әкеліп, оны қазақстандық кинематографиядағы ең танымал тұлғалардың біріне айналдырды.
Актердің қайтыс болу себебі туралы бұған дейін әріптесі Жан Байжанбаев мәлімдеген. Оның айтуынша, Мурат Бисембин бір жылдан астам уақыт онкологиялық аурумен күрескен. Соңғы кезеңде актердің жағдайы күрт нашарлап, шұғыл иммунотерапия қажет болған. Алайда дәрігерлер мен жақындарының барлық күш-жігеріне қарамастан, оны аман алып қалу мүмкін болмады.
Мурат Бисембин 1972 жылы 11 қазанда Қызылорда қаласында дүниеге келген. Ол политехникалық институтты ауыл шаруашылығының инженер-механигі мамандығы бойынша тәмамдаған. Кейін актерлік өнерді таңдап, осы салаға өмірін арнады. Шығармашылық жолында бірқатар есте қаларлық рөлдерді сомдап, әріптестері мен көрермендерінің зор құрметіне ие болды.
Мурат Бисембин отбасылы болған, үш бала тәрбиелеп өсірген.
