Almatyda qarý satqan polıeıler sottaldy

Almaty qalasynda polıııanyń úsh qyzmetkerine úkim shyqty. Olardy qarý men oq-dárilerdi urlady dep aıyptaǵan, dep habarlady qandastar.kz Massaget.kz-ke silteme jasap.

Is Bostandyq aýdandyq sotynda qaraldy.

Belgili bolǵandaı, Almaty qalalyq Polıııa departamentiniń qyzmetkerleri esepten shyǵarylǵan qarýlardy urlap, olardy zańsyz satqan. Sot úkimine sáıkes, bul qylmystyq shemaǵa Tyl basqarmasyna qarasty áskerı jáne arnaıy qamtamasyz etý bóliminiń aǵa ınspektory M.J., Polıııa departamentiniń krımınalısti M.Sh. jáne júrgizýshi N.A. qatysqan. Olar joıýǵa arnalǵan qarýdy júıeli túrde urlap, satqan dep tanyldy.

Qara naryqqa qarý qalaı túsken?

Tergeý barysynda anyqtalǵandaı, Tyl basqarmasyna qarasty bólimniń aǵa ınspektory sot isteri boıynsha aıǵaq zat retinde saqtalǵan nemese tárkilengen atys qarýlaryn aldymen zańdy túrde esepten shyǵarǵan. Joıylýy tıis qarýlar shyn máninde urlanǵan. Qalǵan eki áriptesi (ekeýi de PD qyzmetkerleri) bul qarýlardyń zaýyttyq nómirlerin joıyp, boıap nemese ózgertip, satqan. Keıin polıııa qyzmetkeri olar joıyldy degen jalǵan aqparatty resmı tirkeýlerge engizip otyrǵan.

Olar barlyǵy 50-ge jýyq qarýdy urlap úlgergen. Onyń ishinde Kalashnıkov avtomaty, myltyq, Makarov tapanshalary, granatalar men ártúrli kalıbrdegi oq-dáriler bolǵan.

Bostandyq aýdandyq sotynyń úkimimen úsh aıyptalýshy da júıeli túrde qarý urlap, satý isi boıynsha kináli dep tanyldy. Shemanyń uıymdastyrýshysy — Polıııa departamentiniń aǵa ınspektory M.J. 8 jylǵa, krımınalıst — 5,5 jylǵa, júrgizýshi — 7 jylǵa bas bostandyǵynan aıyryldy.

 «Qyzmettik ókilettikterin paıdalanyp, olar birneshe márte aldyn ala sóz baılasý arqyly atys qarýy men oq-dárilerdi urlaǵan. Bul qarýlar aıǵaq zat retinde arnaıy qoımaǵa tapsyrylǵan. Olar bul qarýlardy zańsyz aınalymǵa shyǵarǵan, qoǵamdyq qaýipsizdik pen tártipke qarsy áreketter jasaǵan, sondaı-aq memlekettik qyzmet pen basqarý múddesine qarsy aýyr qylmystar jasaǵan», – delingen sot úkiminde.

Polıeıler arnaıy shenderinen aıyrylyp, ekeýine memlekettik qyzmette ómir boıy jumys isteýge tyıym salyndy.

Aıta keteıik, 2024 jyldyń aqpanynda jelide Almaty qalalyq Polıııa departamentinde 2022 jylǵy Qańtar oqıǵalaryna baılanysty tárkilengen qarýlardyń joǵalǵany týraly aqparat taraǵan. Sol kezde polıııa qarý-jaraqtyń jetispeýshiligi 2023 jyly qozǵalǵan qylmystyq ister men halyqtan satyp alynǵan qarýlarǵa qatysty tekserý kezinde anyqtalǵanyn málimdegen.

Almaty qalalyq Polıııa departamentiniń basshylary qyzmetterinen bosatyldy