Almatyda qylmystyq top ózderin qyz retinde tanystyryp, jigitterdi tonap ketken

Foto:skrın

Almatyda mahabbatyn tapqysy kelgen jigitter tanysý saıttary arqyly aldanyp qalǵan. Qylmyskerler jas jigitterge ózderin qyz retinde tanystyryp, páterlerine shaqyryp, tonap ketken, dep jazady qandastar.kz
Bul týraly KTK arnasyna habarlaıdy. 

Qylmystyq isti úsh er adam men bir qyz jasaǵan. Olar tanysý saıtynda qyzyń atynan jigittermen tanysqan. Kóp uzamaı olardy kezdesýge shaqyrǵan. Zardap shekkender kelisip, kórsetilgen mekenjaıǵa ózderi kelgen. Jigitterdi er adamdar kútip alyp aqshasyn, telefonyn jáne baǵaly zattaryn kúshtep tartyp alǵan. Sońǵy jábirlenýshiden 700 myń teńge berýdi talap etken.

Jedel ýákilder úsh kúdiktini ustady. Olar bárin moıyndap, oljanyń bir bóligin qaıtardy. Qyzdyń kinási áli dáleldengen joq. Polıııa turǵyndardy jelide abaı bolyp, elsiz jerlerde beıtanys adamdarmen kezdespeýge shaqyrdy.

“Biz tanymal tanysý saıtynda jas jigitpen kezdesýge kelistik. Olar mekenjaıdy berdi. Sol mekenjaıǵa qurban bolýy múmkin jas jigit keldi. Onda bir qyz bar edi. Qylmyskerler kelip: «Biz onyń aǵalarymyz, qaryndasymyz kámeletke tolmaǵan, ol nebári 17 jasta. Endi uramyz, óltiremiz» dep qorqytty. Osylaısha olar barlyq qundy zattardy alyp ketti. Úsh er adam qamaýǵa alyndy. Olar nebári 20-25 jasta”, – deıdi Almaty qalalyq polıııa departamentiniń resmı ókili Saltanat Ázirbek.