Алматыда жасөспірімдер кәмелетке толмаған қызды ұрған

Фото: скрин

Алматыда бір топ жасөспірім кәмелетке толмаған қызды себепсіз ұрып-соққан, деп хабарлады qandastar.kz

Олардың әрекеті түсірілген бейнежазба әлеуметтік желіде тарады. Оқиға 26 қаңтарда Гүлдер саябағындағы мұз айдынында болған.

Жасөспірім алған жарақатының салдарынан ауруханаға жатқызылды.

Дәрігерлердің айтуынша, қыздың бірнеше қабырғасы сынған, миы шайқалған және тістегі брекеті де сынып қалған. Қызды соққыға жыққандар ата-аналасымен бірге полиция бөліміне жеткізілген.