Алматыда 4-клиникалық аурухананың базасында көп ағзалық донорлық процесс өтті, деп хабарлайды qandastar.kz порталы Денсаулық сақтау министрлігіне сілтеме жасап.
1967 жылы туған ер адам донор болды.
Дәрігерлер ер адамда мидың өлімін белгіледі.
Отбасының келісімін алғаннан кейін көп ағзалық алу ұйымдастырылып, жүрек, бауыр және екі бүйрек алынды.
Трансплантаттау бригадаларының уақтылы үйлестіруі мен жұмысының арқасында жүрек 58 жастағы пациентке, оң бүйрек 19 жастағы реципиентке, сол бүйрек 35 жастағы пациентке, бауыр 58 жастағы пациентке берілді.
Бүгінгі таңда ел бойынша күту парағында 4521 пациент, оның ішінде 106 бала тұр.
2025 жылдың 12 айында қайтыс болғаннан кейінгі донорлардан тек 14 донорлық процесс жүргізілді.
Оның барысында өмірлік маңызды ағзаларды 60 трансплантаттау жүзеге асырылды.
«Статистика көрсетіп отыр: Қазақстандағы ағзаларға қажеттілік өте жоғары болып қалуда. Мыңдаған пациент трансплантаттауды күтуді жалғастыруда және біз күн сайын дерлік көмектесе алатын адамдардан айырыламыз. Сондықтан әр құтқарылған пациент – жай ғана медициналық жеңіс емес, қайта оралған адам өмірі», — дейді Трансплантаттауды және жоғары технологиялық медициналық қызметтерді үйлестіру жөніндегі республикалық орталықтың директоры Айдар Ситқазинов.
