Алматының тауларында туристер адасып кетті

фото: ТЖМ баспасөз қызметі

Құтқарушылар Алматының тауларында адасып кеткен екі туристі тапты, деп хабарлайды qandastar.kz сайты ТЖМ-ға сілтеме жасап. 

«Түнде Алматының шұғыл қызметтеріне екі жас жігіт Медеу ауданындағы «Құмбел» шыңынан түсе алмай жатқаны туралы хабарлама келіп түсті. 2004 жылы туған ер адамдар жолды таба алмайтынын түсініп, көмек сұрады», — деп жазылған ТЖМ таратқан хабарламада.

Оқиға орнына дереу ҚР ТЖМ Республикалық жедел-құтқару жасағының жедел тобы шықты. Іздестіру-құтқару жұмыстарында ұшқышсыз ұшу аппараты мен спутниктік телефон пайдаланылды. Тәуліктің қараңғы уақытына және күрделі рельефке қарамастан, құтқарушылар Көкжайлау шатқалынан шыңға дейінгі жолды жаяу жүріп өтті.

Жігіттер 2850 метр биіктіктен табылды. Олар зардап шекпеген және медициналық көмекке мұқтаж болған жоқ.

Құтқарушылар Алматының құтқару қызметінің құтқарушыларымен бірлесіп оларды Экопостқа дейін түсірді. Содан кейін олар өз бетінше үйіне кетті