AMANZHOLOV UNIVERSITY базасында инклюзивті бастауыш мектебі ашылды

Фото: ҚР Ғылым және жоғары білім министрлігі

С.Аманжолов атындағы Шығыс Қазақстан университетінде инклюзивті бастауыш мектеп ашылды, деп хабарлайды qandastar.kz.

Осы оқу жылынан бастап 5-6 жастағы сөйлеу дамуы тежелген балаларға университет мамандары дәрігерлік ұсыныстар мен жеке ерекшеліктерді ескере отырып, сапалы білім беру процесін бастайды.

Бұл инновациялық жоба ҚР Ғылым және жоғары білім министрі Саясат Нұрбектің университетке сапары барысында таныстырылды.

– Министрліктің стратегиясында инклюзивті білім беру ең басым бағытқа ие. Инклюзивті білім беретін педагогтерді дайындауда іріктелген үздік жоғары оқу орындарының ішінде осы С.Аманжолов атындағы ШҚУ бар. Университет инклюзивті білім беруге арналған арнайы кабинеттер мен әдістемелік материалдармен толық қамтамасыз етілген. Заманауи талаптарға сәйкес сапалы білім беру ШҚУ-ды ел көлемінде көшбасшы етеді, – деді Саясат Нұрбек.