Amnıstııamen shyǵady: Sot Baqytjan Baıjanovtyń ótinishin qanaǵattandyrdy

Stepnogorsk qalalyq sotynda Baqytjan Baıjanovtyń amnıstııaǵa baılanysty jazany qysqartý týraly ótinishi qaraldy, dep habarlaıdy Qandastar.kz  saıty turkystan.kz-ke silteme jasap.

Baıjanovtyń jazasyn óteý merzimi 2027 jyldyń 18 shildesinde aıaqtalýy tıis edi. Endi merzim úshten birine qysqarady: segiz aı segiz kúnge, ıaǵnı Baqytjan Baıjanov 2026 jyldyń qarashasynda bostandyqqa shyǵady.

Sheshim qabyldaýda túzetý mekemesiniń bergen minezdemesi jáne onyń talaptardy óteýi ról atqardy. Jazasyn óteý barysynda oǵan oń minezdeme berilgen. Sot úkimi boıynsha talaptar tolyq kólemde ótelgen.

Prokýror da bul pikirdi qoldap, ótinishti qanaǵattandyrýdy surady.

Eske sala keteıik, Baqytjan Baıjanov – burynǵy ulttyq ekonomıka mınıstri Qýandyq Bıshimbaevtyń inisi. Ekeýi de Saltanat Núkenovanyń ólimine qatysty is boıynsha sottalǵan. Baıjanov asa aýyr qylmysty jasyrǵany úshin tórt jylǵa bas bostandyǵynan aıyrylǵan. О́zin kinásiz dep sanap, apellıaııa bergenimen, úkim ózgerissiz qalǵan bolatyn.