Анасына тосынсый жасамақ болды: Ұлытау облысындағы тас жолда екі жігіт ажал құшты

Фото: Видеодан скрин

Ұлытау облысындағы тас жолда жол апаты болып, салдарынан екі адам көз жұмды. Бұл туралы Stan.kz ақпарат агенттігі хабарлайды.

Әлеуметтік желіде жол апатының салдары көрсетілген видео тарады. Оқиға куәгерлерінің айтуынша, екі жігіт Екібастұздан Қызылордаға жол тартқан. Жүргізуші қалың қардан рөлге ие бола алмай, автокөлік жолдың шетіндегі жыраға түсіп кеткен.

Жігіттер жаңа жылды Қызылордада қарсы алмақ болған. Қайтыс болған адамның жақыны бір жігіттің Қызылордадағы анасына тосын сый жасамақ болып, жолға шыққанын айтады.