Antıkor Amanat depýtatynyń birneshe tender jeńip alýynyń zańdylyǵyn teksermek

Foto: Ádil Jubanov Facebook

Sybaılas jemqorlyqqa qarsy qyzmet «BatysAlıansStroıdyń» sheneýnikterge qatysy bar-joǵyn teksermek, dep jazdy qandastar.kz

Bul týraly Stan.kz aqparat agenttigi habarlaıdy.

30 maýsymda sybaılas jemqorlyqqa qarsy is-qımyldyń resmı ókili Danııar Bıǵaıdarov merdiger kompanııanyń májilis depýtaty Ádil Jubanovpen jáne Atyraý oblysy ákiminiń orynbasarymen yqtımal baılanystary zerttelip jatqanyn málimdedi.

“Monıtorıng jáne kelip túsken sıgnaldardy taldaý barysynda memlekettik satyp alýlarǵa, bıýdjet qarajatyn tóleýge jáne oblystyń memlekettik organdarymen jasalǵan sharttardy oryndaýǵa qatysty yqtımal buzýshylyqtar anyqtaldy. Bul derekter tirkelip, Atyraý oblysy boıynsha ishki memlekettik aýdıt departamentine jiberildi”, – dedi Bıǵaıdarov.

Sondaı-aq ol qazir májiliste múddeler qaqtyǵysyn retteıtin zań jobasy qaralyp jatqanyn eske saldy. Eger ol qabyldansa, mundaı jaǵdaılarǵa zańnamalyq deńgeıde tosqaýyl qoıý kerek.

Buǵan deıin Ádil Jubanov taralyp jatqan aqparatty aılaly jáne shyndyqqa janaspaıtyn aqparat dep atady. Ol aqparattyq shabýyl onyń birqatar zańnamalyq bastamalardaǵy belsendi ustanymymen jáne jekelegen memlekettik organdardy synaýymen baılanysty bolýy múmkin dep boljaǵan.

О́z kezeginde oblys ákimi Serik Shápkenov óziniń orynbasary Qaırat Nurtaev pen Májilis depýtaty Ádil Jubanovqa qatysy bar kompanııaǵa taǵylǵan aıyptarǵa qatysty pikir bildirdi.

Eske salsaq, Amanat partııasy depýtaty Ádil Jubanovtyń kompanııasy Atyraý oblysynda140 tender utyp alǵany aıtyldy.

Aıta keteıik, «BatysAlıansStroı» JShS memlekettik tapsyrystarǵa belsendi qatysady. 2016 jyldan beri kompanııa memlekettik organdarmen jalpy somasy 15,2 mıllıard teńge bolatyn 141 kelisimshart jasaǵan. Kelisimsharttardyń kóbi oblystaǵy qalalyq jáne aýyldyq ákimdiktermen baılanysty.

Alaıda Amanat partııasy munda turǵan eshteńe joq ekenin málimdedi.