«Ár oqýshydan 1,5 mln teńgeden alǵan»: Aqtaýda jekemenshik lıeıde shý shyqty

Foto: ashyq derekkóz

Aqtaýdaǵy «Ǵasyr» lıeıinde daýly jaǵdaı týyndady – jalaqysyn ala almaǵan 25 muǵalim jumystan shyǵyp, oqýshylardyń kóbi mektepten ketken,dep habarlaıdy qandastar.kz

Ustazsyz qalǵan bilim oshaǵy ata-analardyń ashýyna tıdi. Sebebi, oqý orny basynda UBT-ǵa daıyndap, shet tilin tereńdetip oqytamyz dep sendirip, ár oqýshydan 1,5 mıllıon teńge alǵan. Biraq muǵalimder ketip qalǵan soń, bilim de, til úırený múmkindigi de toqtap, ata-analar aqshasyn qaıtarýdy talap etedi.

«Ǵasyr» lıeıinde bes aıdan beri jalaqysyn almaǵan muǵalimder aqyry jumystan shyǵýǵa májbúr boldy. Al balalaryn «sapaly bilim alsyn» dep jekemenshik mektepke bergen ata-analar aqshasyn qaıtara almaı júr. Olardyń aıtýynsha, mektep basshylyǵy jalaqyny ýaqytynda tólemegeni azdaı, áleýmettik tólemder men zeınetaqy jarnalaryn da aýdarmaǵan.

«Qarasha aıynan bastap muǵalimderdiń jalaqy ala almaı júrgenin estı bastadyq. Qyzym da synyptaǵy balalardyń ketip jatqanyn aıtty. Bastapqyda bári UBT-ǵa daıyndalýǵa kelgen edi. Biz úshin aǵylshyn tili mańyzdy boldy, sondyqtan kútip kórdik. Biraq keıin «faýndeıshn» sabaǵyna da bara almaıtynyn aıtty – sebebi muǵalim joq», – dedi ata-analardyń biri Aınur Seıdahmetova.

Osylaısha, bastapqyda ýáde etilgen sapaly bilim ornyna oqýshylar eki aıdan beri durys sabaq oqymaǵan. Onyń ústine, oqý jylynyń ortasynda memlekettik mektepter de olardy qabyldaýdan bas tartýda.

Mektepten ketken 25 ustazdyń biri, dene shynyqtyrý pániniń muǵalimi Naz Shafık jalaqy máselesi týraly bylaı dedi:

«Qyrkúıekten beri bizge eshqandaı aqsha aýdarylǵan joq, biraq ata-analarǵa mektep ákimshiligi muǵalimderge jalaqy berilip jatyr dep aıtqan. Qazir mektepte 20 shaqty ǵana muǵalim qaldy, onyń ishinde dıplomy joqtar da bar. Bul jerde eshqandaı bilim berilip jatqan joq».

Onyń aıtýynsha, jalaqy ýaqtyly túspegendikten, medıınalyq saqtandyrý jarnalary da aýdarylmaı, ustazdar emhanadan tegin em ala almaı júr.

KTK arnasyna habarlaǵandaı,    «Ǵasyr» lıeıiniń negizin qalaýshy Iakýb Halyqberdıev ata-analardy sabyrǵa shaqyryp, jaǵdaı retteletinin aıtty:

«Men barlyq ata-anamen sóılestim. Bir apta ishinde máseleni sheshemiz. Biz Almatydan basqa muǵalimderdi shaqyrtyp jatyrmyz. Dúısenbiden bastap sabaqtar qaıta jalǵasady. Bizdiń lıenzııamyz bar, barlyq salyq tólengen, mektep zań aıasynda jumys isteıdi», – dedi ol.

Aqtaý qalasynyń bilim bólimi lıeıdegi jaǵdaıǵa baılanysty tekseris bastalǵanyn habarlady. Olar zań aıasynda tıisti organdarmen birlesip tekserý júrgizetinin málimdedi.

«Oqýshylar memlekettik mektepterge qabyldanady, al jumyssyz qalǵan muǵalimderge bos oryndar usynylady», – dedi bilim basqarmasynyń ókilderi.