Arǵyn Nyǵmatýlınniń qaıda ekeni aıtyldy

Foto: adyrna

Sybaılas jemqorlyqqa qarsy is-qımyl agenttigi tóraǵasynyń orynbasary Darhan Quraqbaev senat kýlýarynda Arǵyn Nyǵmatýlınge qatysty iske pikir bildirdi, dep habarlaıdy qandastar.kz

«Biz onyń tergeý bastalǵanǵa deıin Qazaqstannan ketip qalǵanyn bilemiz. Qazir izdeý jáne elge qaıtarý boıynsha jumystar júrip jatyr», – dedi ol.

Arǵyn Nyǵmatýlın men ózge de tulǵalar asa iri kólemde senip tapsyrylǵan múlikti ıemdený jáne talan-tarajǵa salý babymen kúdikti dep tanylǵan (Qylmystyq kodekstiń 189-baby 4-bóligi).

Arǵyn Nyǵmatýlın – Májilistiń eks-spıkeri Nurlan Nyǵmatýlınniń aǵasy. Ol Qaraǵandy oblystyq máslıhatyna eki ret taǵaıyndalǵan. 2006 jyly Arǵyn Nyǵmatýlın “Saryarqa” hokkeı klýbyn qurdy.