Қазақстандық 22 жастағы спортшы Қадырбек Шынбаев Жапонияда өтіп жатқан XX жазғы Азия ойындарында чемпион атанды, деп хабарлайды qandastar.kz порталы.
Шынбаев ММА-дан 71 келіге дейінгі салмақтағы modern дисциплинасында қарсыластарынан басым түсіп, алтын медаль иеленді.
Бұл — Қазақстанның Азия ойындарындағы ММА-дан алған екінші алтыны. Айта кетейік, аралас жекпе-жек биыл құрлық додасының бағдарламасына алғаш рет енгізілді.
Қадырбек үшін бұл жыл аса сәтті өтіп жатыр. Қаңтар айында ол ересектер арасындағы ММА-дан Азия чемпионы атанған. Сол турнирде қазақстандық спортшы Моңғолия, Қытай, Қырғызстан және Тәжікстан өкілдерін жеңген.
Осылайша, 22 жастағы Шынбаев бір жылдың ішінде Азия чемпионы және Азия ойындарының жеңімпазы атанды.