Азия біріншілігінде Қазақстан намысын қорғап жатқан жас боксшы Төрехан Сабырхан кезекті жекпе-жегінде жеңіске жетіп, көрермендердің қошеметіне бөленді. Бұл туралы Qandastar.kz сайты хабарлады.
Әлеуметтік желіде тараған бейнежазбада қазақстандық спортшының кездесу барысында тактикалық тұрғыда басымдық танытып, қарсыласына дәл соққылар бағыттағанын көруге болады. Жекпе-жек қорытындысында төреші Төрехан Сабырханның қолын көтеріп, оны жеңімпаз деп таныды.
Шаршы алаңдағы қазақстандық боксшының өнерін трибунадағы көрермендер де қолдап, қошемет білдірген. Бейнежазба көпшіліктің назарына ілігіп, әлеуметтік желі қолданушылары спортшының өнеріне оң пікірлерін қалдырған.