Аббат Өрісбаев оқу-жаттығу кезіндегі қауіпсіздік мәселесін көтерді
«Әділет» партиясы фракциясының мүшесі Аббат Өрісбаев Премьер-министр Олжас Бектеновке депутаттық сауал жолдап, әскери оқу-жаттығу жиындары кезіндегі қауіпсіздікті күшейту мәселесін көтерді, деп хабарлайды Qandastar.kz.
Депутаттың айтуынша, оқу-жаттығу жиындары әскери қызметшілердің өмірі мен денсаулығына қауіп төндірмеуі тиіс. Осыған байланысты ол әскери нысандардағы қауіпсіздікті бақылауды күшейту және тиісті процестерді цифрландыру қажеттігіне назар аударды.
Аббат Өрісбаев депутаттық сауалында әскери қауіпсіздік саласында бірыңғай цифрлық қауіпсіздік жүйесін енгізу мәселесін ұсынды. Мұндай жүйе қауіп-қатерлерді бақылауға, оқу-жаттығу барысындағы қауіпсіздік талаптарының орындалуын қадағалауға және ықтимал оқиғалардың алдын алуға бағытталуы мүмкін.
Депутат Үкімет басшысынан әскери оқу-жаттығу жиындарының қауіпсіздігін қамтамасыз етуге қатысты тиісті шараларды қарастыруды сұрады.
Аббат Өрісбаевтың депутаттық сауалы Парламенттегі әскери қызметшілердің қауіпсіздігін қамтамасыз ету мәселелерін талқылау аясында жолданды.