Отандық театр және кино актері Әбілмансұр Серіковтің аға әріптесімен тілдескен бейнежазбасы әлеуметтік желіде тарап, көпшіліктің назарын аударды. Бұл туралы Qandastar.kz сайты хабарлады.
Бейнежазбада аға әріптесі актерді камераға түсіріп, «Боляк, Плохыш» деп әзілмен сөзге тартқаны көрінеді. Оған жауап берген Әбілмансұр Серіков те еркін форматта: «Аға, премьераңыз құтты болсын! Бақандар кездесті ме?» – деп әзілдескен.
Алайда бейнежазбаға пікір білдірген оқырмандардың бір бөлігі актердің үлкен кісі алдында көзілдірік тағып, бейресми түрде отыруы мен сөйлеу мәнерін сынға алды. Олар бұл әрекетті үлкенге деген құрмет пен әдеп нормаларына сай емес деп бағалаған.
Ал басқа қолданушылар актерлердің әңгімесін өнер иелері арасындағы еркін қарым-қатынас пен әзіл ретінде қабылдады. Олардың пікірінше, бейнежазбадағы жағдайды әріптестер арасындағы қалыпты қалжың ретінде бағалауға болады.
Осылайша, қысқа бейнежазба әлеуметтік желі қолданушылары арасында үлкенге құрмет көрсету мен әріптестер арасындағы еркін қарым-қатынас тақырыбында пікірталас тудырды.