Қазақстандағы ірі әуе тасымалдаушылары – Air Astana мен FlyArystan қызметіне қатысты дау күшейді. Жеңілдікпен билет беру және қаржы жымқыруы мүмкін деген ақпараттан кейін Бас көлік прокуратурасы ресми тексеру бастағанын мәлімдеді, деп жазады qandastar.kz сайты Aikyn.kz-ке сілтеме жасап.
Ресми тексеру басталғанын мәлімдеген ресми жауапты Михаил Козачков өзінің әлеуметтік желідегі арнасына жариялады. Бұл тексеріс топ-менеджерлердің туыстарына, соның ішінде Air Astana басшысы Питер Фостердің жұбайына жеңілдікпен берілген билеттер мен мүмкін ұрлықтарға байланысты шыққан мәліметтерден кейін басталды.
Бұған дейін FlyArystan-ның бұрынғы топ-менеджері Ренат Әбілханов 1 миллиард теңгеден астам қаражат жетіспеушілігіне қатысты істің фигуранты болған. Ол билеттерді шенеуніктер мен журналистер де алғанын айтып, дәлел ретінде хат алмасуларды ұсынған. Әбілханов 9 жылға дейін бас бостандығынан айырылып, мүлкі тәркіленуі мүмкін.
Air Astana-ны 2005 жылдан бері басқарып келген Питер Фостер 2026 жылдың наурызында бас директор қызметінен кетіп, аға кеңесші ретінде жұмысын жалғастырады. Оның орнына қаржы директоры Ибрахим Жанлыел тағайындалады.