АҚШ президенті Дональд Трамп Truth Social әлеуметтік желісінде Ақ үй маңындағы тілшілер қауымдастығының кешінде болған атысқа қатысты күдіктінің фото және видеосын жариялады. Бейнежазбада қолы кісенделген ер адамның жерде жатқаны көрінеді. Бұл туралы Qandastar.kz сайты хабарлады.
Сонымен қатар ол бақылау камерасынан алынған кадрларды да бөлісті. Онда қарулы адамның бақылау-өткізу бекетінен өтпек болғаны, осы сәтте күзет қызметкерлері оған оқ атқаны байқалады.
Оқиға кезінде президент, оның жұбайы, әкімшілік қызметкерлері және Конгресс мүшелері қауіпсіздік мақсатында эвакуацияланған. Атыс дәл осы кеш барысында болған.