Қазақстанның Төтенше жағдайлар министрлігінің құтқарушылары Каспий теңізінде ағысқа ұшыраған екі ер адамды аман алып қалды. Бұл туралы Qandastar.kz сайты Zakon.kz порталына сілтеп хабарлады.
Оқиға Ақтау қаласының 4А шағын ауданы маңында болған. Ер адамдар үрлемелі сапбордпен теңізге шыққан кезде күшті ағыс оларды жағадан алыстатып әкеткен.
Профилактикалық рейд жүргізіп жүрген ТЖМ жедел-құтқару жасағы жағадан шамамен 500 метр қашықтықта көмек сұраған азаматтарды байқап қалған. Құтқарушылар дер кезінде әрекет етіп, оларды қайықпен жағаға жеткізді.
Екі азамат құтқару жилеттерін кигендіктен, ауыр жағдайдың алдын алу мүмкін болған. Медициналық көмекке жүгіну қажеттілігі туындамаған.
[playlist type="video" ids="55613"]