Қазақстан алдағы үш жылда Ұлттық қор қаражатын инфрақұрылымдық жобаларға бағыттауды жоспарлап отыр, деп хабарлайды
порталы.
Ұлттық банк төрағасы Тимур Сүлейменовтің мәліметінше, 2027–2029 жылдары Ұлттық қордан алынатын қаражат көлемі 5 трлн теңге болады. Бұл туралы ол Үкімет отырысында айтты.
Қаражат бірнеше маңызды бағытқа жұмсалмақ. Оның ішінде:
- әлеуметтік нысандар;
- коммуналдық инфрақұрылым;
- энергетика саласы;
- көлік инфрақұрылымы бар.
Яғни қордан алынған ақша әлеуметтік қажеттіліктер мен елдегі инфрақұрылымды дамытуға бағытталмақ.
Салыстыру үшін, 2025 жылы Ұлттық қордан 5,7 трлн теңге, ал 2024 жылы 6 трлн теңгеден астам қаражат алынған болатын.
Жаңа жоспар бойынша алдағы үш жылда қор қаржысы негізінен нақты жобаларды қаржыландыруға жұмсалмақ.