Фото: ашық дереккөз
Алматы қалалық Мәдениет басқармасы хайуанаттар бағының қазіргі орнында жұмысын жалғастыратынын және оны басқа қалаға көшіру жоспары жоқ екенін мәлімдеді, – деп хабарлайды qandastar.kz
Ведомствоның хабарлауынша, Алматының даму жоспарында зообақты халықаралық стандарттарға сай жаңғырту мен қайта құру қарастырылған. Биыл жобалық-сметалық құжаттаманы әзірлеу бойынша конкурс жарияланып, жаңарту жұмыстары 2028 жылға дейін кезең-кезеңімен жүргізілмек.
Сонымен қатар Алматы облысы әкімдігінің ресми сайтындағы зообақты көшіру туралы ақпарат өшірілген. Әкімдік жобалық кеңсе отырысында бұл мәселе талқыланғанын хабарлаған еді.