Алматы облысында жүк көлігі мен жеңіл автокөліктің қатысуымен жол-көлік оқиғасы болып, салдарынан бір адам көліктің ішінде қысылып қалды. Бұл туралы Qandastar.kz сайты хабарлады.
Оқиға Қарасай ауданындағы Шалқар ауылының маңында тіркелген. Апат туралы хабар түскеннен кейін оқиға орнына Төтенше жағдайлар министрлігінің құтқарушылары жедел жеткен.
Құтқарушылар арнайы авариялық-құтқару құралдарының көмегімен көлікте қысылып қалған жүргізушіні шығарып алды. Зардап шеккен азаматқа алғашқы көмек көрсетіліп, кейін дәрігерлерге тапсырылды.
Қазіргі уақытта оның жағдайы туралы нақты ақпарат жарияланған жоқ. Оқиғаның мән-жайы мен жол апатының себептері анықталып жатыр.