Ақтөбе облысында ер адам өз анасын соққыға жыққан оқиға бойынша іс қаралды, деп хабарлайды qandastar.kz порталы.
Айыптау деректеріне сәйкес, 35 жастағы азамат мас күйінде үйіне келіп, анасының құрбысымен бірге спирттік ішімдік ішіп отырғанын көрген. Ашуға булыққан ол алдымен қонақ әйелге қол көтеріп, кейін дастарқанды төңкерген.
Жанжал барысында анасы құрбысын қорғауға тырысқан. Осы сәтте ер адам оған да күш қолданып, бетінен ұрып, жерге құлатып, тепкілеген. Кейін оны көтеріп, тұншықтыруға әрекет жасаған. Салдарынан жәбірленушінің екі қабырғасы сынған.
Белгілі болғандай, анасы ұлын кешіргеннен кейін қылмыстық іс тоқтатылған.
Сот шешімімен ер адам 400 сағат қоғамдық жұмысқа тартылды.