Астананың Сарайшық ауданында жеңіл автокөлік өртенді, деп хабарлайды Qandastar.kz.
Оқиға Шәмші Қалдаяқов көшесінде болған.
Тілшімізге оқырманымыз оқиға орнынан түсірілген кадрлармен бөлісті.

Төтенше жағдай орнына жеткен өрт сөндірушілер жалынды жедел түрде сөндірді. Абырой болғанда, зардап шеккендер жоқ.
Қазір өрттің шығу себебі анықталып жатыр.
ТЖМ көлік иелерін өрт қауіпсіздігі талаптарын қатаң сақтауға шақырды.