Астанада балалар ауруханасының ғимаратында шыққан өрт жедел түрде сөндірілді, деп хабарлайды qandastar.kz порталы.
Оқиға Сарайшық ауданындағы Қошқарбаев көшесінде орналасқан медициналық мекемеде болған.
Алдын ала мәлімет бойынша, өрт жертөледегі электр қалқанынан шыққан. Хабарлама түскеннен кейін небәрі екі минут ішінде алғашқы өрт сөндіру бөлімшелері оқиға орнына жеткен.
Қауіпсіздік шаралары аясында аурухана қызметкерлері мен науқастар эвакуацияланып, жақын маңдағы медициналық мекемелерге уақытша орналастырылды. Оқиға орнында өрт сөндіру штабы құрылып, жылыту пункті ұйымдастырылған.
Құтқарушылардың үйлесімді әрекетінің арқасында тілсіз жау 10 шаршы метр аумақта толық сөндірілді. Зардап шеккендер жоқ. Қазір өрттің шығу себебі анықталып жатыр.
[video width="720" height="1280" mp4="https://qandastar.kz/wp-content/uploads/2026/05/video_2026-05-25_07-38-29.mp4"][/video]