Өзін «голливудтық визажист» деп таныстыратын Роберт Минасян Алматыға жасаған сапары жайлы айтып берді. Оның айтуынша, оны Қазақстанның экс-президентінің кенже қызы Әлия Назарбаева туған күніне макияж жасау үшін шақырған. Бұл туралы Qandastar.kz ақпарат агенттігі Ulysmedia.kz-ке сілтеме жасап хабарлайды.
Минасян арнайы Мәскеуден Алматыға ұшып келген.
Визажист Назарбаева әулетінің үйінде бес күн болғанын айтады. Ол бір ғана макияж үшін 10 мың доллар гонорар алғанын жеткізді.
Сондай-ақ Минасян Алия Назарбаеваның оны алмас бизнесімен айналысатын құрбысымен таныстырғанын айтты. Оның сөзінше, бұл әйел өте қымбат, 50 мың доллар тұратын сөмке ұстаған.
Бұл мәлімдеме желі қолданушылары арасында қызу талқылануда.