Базарбек жол апаты туралы алғаш рет пікір білдірді, деп хабарлайды
порталы.
Экс-депутат Бақытжан Базарбек өзі қатысқан жол-көлік оқиғасына қатысты үнсіздігін түсіндірді.
Оның айтуынша, қазір әлеуметтік желіде апатқа байланысты түрлі болжам тарап жатыр, алайда тергеу аяқталғанша ол оқиғаның егжей-тегжейін жариялай алмайды.
Базарбек пен жұбайы тергеу деректерін жария етпеу туралы қолхат берген. Қазір іс бойынша қажетті сараптамалар жүргізілуі күтіліп жатыр.
Экс-депутаттың айтуынша, бұл сәтте ол үшін ең маңыздысы — жол апатынан зардап шеккен азамат пен оның жақындарына қолдау көрсету. Базарбек бірнеше күн бойы оның туыстарымен бірге науқастың сауығып кетуін тілеп жүргенін айтты.
Сондай-ақ ол зардап шеккен адамға шұғыл медициналық көмек көрсеткен дәрігерлерге, Денсаулық сақтау министрлігі мен облыстық денсаулық сақтау басқармасына алғыс білдірді.
Әлеуметтік желілерде түрлі нұсқалар мен алып-қашпа әңгімелер тарап жатыр. Асығыс қорытынды жасамай, тек ресми ақпарат пен тергеу нәтижесіне сенуге шақырамын
Ол тергеу органдары жол апатының барлық мән-жайына объективті баға береді деп сенетінін жеткізді.