Сейсенбі, 20 қаңтарда қазақстандық Қайрат УЕФА Чемпиондар лигасы негізгі кезеңіндегі соңғы, төртінші үй кездесуін өткізеді. Қарсылас - бельгиялық Брюгге, деп жазады qandastar.kz.
Жалпы кезеңнің жетінші турындағы ойын Астана Арена стадионында өтеді.
Ауа райының қолайсыздығына байланысты «Қайраттың» осы кезеңдегі соңғы екі үй ойыны Алматыдан Астанаға ауыстырылған болатын.
Басталу уақыты — 20:30 (Қазақстан уақытымен).
Қайдан көруге болады?
Кездесудің ресми тікелей эфирін Qazaqstan телеарнасы көрсетеді. Сондай-ақ матчты Кинопоиск онлайн-кинотеатрының сайтынан және мобильді қосымшасынан тамашалауға болады.