Дінмұхамед Қонаевтың бауыры, Д.А. Қонаев атындағы халықаралық қордың президенті Эльдар Қонаевтың қатысуымен өткен жылы жүздесуден бейнежазба әлеуметтік желіде тарады. Бұл туралы Qandastar.kz сайты хабарлады.
Бейнекадрларда Эльдар Қонаевтың көрнекті мемлекет қайраткері Дінмұхамед Ахметұлы Қонаевтың портреті алдында суретке түсіп, кездесуге қатысушылармен еркін әңгімелескені көрінеді.
Жүздесу барысында Эльдар Қонаев қарапайымдылығымен, әзіл-қалжыңымен және ашық қарым-қатынасымен көпшіліктің ықыласына бөленген.
Сондай-ақ бейнежазбада оның қатысушылармен суретке түсіп, қоштасып жатқан сәттері де көрсетілген. Кадрлар әлеуметтік желі қолданушыларының жылы пікірлері мен ақжарма тілектеріне ұласты.