Фото: ашық дереккөз
Қазақстандық танымал кәсіпкер Жұмабек Жанықұлов пен Мәжіліс депутаты Руслан Берденов Парижде алтын алған Елдос Сметовке көлік сыйламақ, - деп хабарлайды qandastar.kz 1bol.kz сайтына сілтеме жасап.
Бұған дейін кәсіпкерлер Сметов Токиодан қола алып келгенде де темір тұлпар мінгізген. Сол уақытта Жұмабек Жанықұлов кілтті табыстап тұрып: «сенің қолаң бізге алтыннан қымбат» деп ағалық қамқорлығын көрсеткенде, Елдос та жігерленіп: «Париждің алтынын алып келемін», - деп уәде беріпті. Елдос уәдесінде тұрды.
Енді кәсіпкерлер Елдос Сметовке қандай көлік сыйлатынын білмей басымыз қатып отыр дейді: «Алматыға барамыз. Елдостың келетінін білеміз. Елдостың маңдайына қандай көлік жазылып тұрғанын көреміз», - деді Жанықұлов.
Ал Руслан Берденов көлік салондарын ұсыныспен шығуға шақырды.