Туризм және спорт министрлігі шахматшы Бибісара Асаубаеваның азаматтығын ауыстыруы мүмкін деген ақпаратты жоққа шығарды, деп хабарлайды
порталы.
Парламент кулуарында журналистердің сауалына жауап берген Туризм және спорт вице-министрі Серік Жарасбаев бұл мәселенің мүлде қарастырылып жатпағанын айтты.
Бибісара Асаубаеваның азаматтығын ауыстыру туралы ешқандай мәселе жоқ. Бұл мәселені кім көтергенін және не үшін талқылап жүргенін білмеймін. Бибісара Асаубаева – еліміздің патриоты
Оның сөзінше, бұған дейін көтерілген қаржылық мәселелер толық шешімін тапқан.
Қазіргі таңда министрлік белгілі шахматшының Астанаға келуін күтіп отыр.
Жақын уақытта елордада спортшыға Қазақстан Президенті Қасым-Жомарт Тоқаев тағайындаған мемлекеттік марапат салтанатты түрде табысталады.