Елордада криминогендік ахуалды талдау нәтижесі бойынша қылмыс көрсеткіші айтарлықтай азайған. 10 мың тұрғынға шаққандағы қылмыс деңгейі 13,6%-ға төмендеді. 2025 жылы тіркелген қылмыстардың жалпы саны 7%-ға қысқарды. Ұрлық және алаяқтық фактілерінің азаюы қабылданып жатқан профилактикалық шаралардың тиімділігін дәлелдейді. Бұл туралы Qandastar.kz сайты Zakon.kz порталына сілтеп хабарлады.
Сонымен қатар шамамен 300 бұрын жасалған қылмыс ашылып, жазаның бұлтартпастығы қағидасы сақталды. Бұл нәтижелер полиция бөлімшелерінің жүйелі жұмысымен қатар, заманауи тәсілдер мен цифрлық шешімдерді қолданудың арқасында мүмкін болды.
2026 жылы да қылмыстарды анықтау және жолын кесу жұмыстары күшейтілген режимде жалғасуда. Қоғамдық қауіпсіздікті қамтамасыз етуге, құқық бұзушылықтардың алдын алуға және барлық санаттағы қылмыстардың жасалуына жол бермеуге ерекше көңіл бөлінуде.