Біріккен Араб Әмірліктерінен Израильге бағыт алған Flydubai ұшағында екінші ұшқыш капитанға балтамен шабуыл жасап, әуе кемесін басып алуға әрекеттенген. Оқиғаға қатысты тергеу нәтижесін БАӘ Бас прокуроры террорлық шабуыл жасау әрекеті ретінде бағалады, деп хабарлайды Qandastar.kz.
Оқиға 30 қыркүйекте FZ1073 рейсімен ұшып бара жатқан кезде болған. Екінші ұшқыш кабинада капитанға шабуыл жасап, басқару тетігін өз қолына алуға тырысқан. Жолаушылар мен экипаж мүшелері оны залалсыздандырған.
Reuters дереккөздерінің мәліметінше, күдікті — Оман азаматы Хаммам әл-Хаммами. Оның нақты әрекет ету себептері әзірге белгісіз.
Шабуылдан кейін резервтегі ұшқыш әуе кемесін басқаруға алып, Сауд Арабиясының солтүстік-батысындағы Табук әуежайына қонған. Екінші ұшқыш Сауд Арабиясында ұсталып, кейін Абу-Дабиге жеткізілген.
Ұшақ бортында 170-тен астам адам болған, олардың басым бөлігі Израиль азаматтары. Оқиға бойынша тергеуді БАӘ билігі жүргізіп жатыр. Израильдік тергеушілер де іске қатысады.
Қазіргі уақытта күдіктінің шабуылды қандай себеппен жасағаны және оның әрекетінің артында басқа адамдардың болған-болмағаны анықталуда.