2026 жылғы футболдан әлем чемпионатының топтық кезеңінде Франция құрамасы Норвегияны 4:1 есебімен жеңіп, өз тобында бірінші орын алды, дейді Qandastar.kz сайты.
І тобындағы үшінші тур кездесуі АҚШ-тың Фоксборо қаласындағы «Джиллетт» стадионында өтті. Француздардың жеңісіне Усман Дембеле зор үлес қосып, 7, 20 және 32-минуттарда хет-трик авторы атанды. Қосымша уақытта Дезире Дуэ төртінші голды соқты.
Голдық шабуылдарға Килиан Мбаппе екі нәтижелі пас берсе, Орельен Тчуамени мен Брэдли Барколя да бір-бірден ассист жасады.
Норвегия сапындағы жалғыз голды 21-минутта Тело Осгор соқты. Оған нәтижелі пасты Андреас Шельдеруп берді. Ал матчтың 50-минутында Йорген Странн Ларсен орындаған пенальтиді Франция қақпашысы Майк Меньян қайтарды.
Осы жеңістен кейін Франция құрамасы үш матчта тоғыз ұпай жинап, І топтың жеңімпазы атанды. Команданың 1/16 финалдағы қарсыласы кейін анықталады.
Ал алты ұпай еншілеген Норвегия плей-офф кезеңіне екінші орынмен шығып, алғашқы матчында Кот-д’Ивуар құрамасымен кездеседі.