Қапшағай су қоймасында демалушыны құтқармақ болған Қонаев қаласының тұрғыны Андрей Козятинский қайғылы жағдайда көз жұмды, деп хабарлайды
порталы.
Оқиға 22 шілдеде болған. Мәліметке сәйкес, Андрей суға батып бара жатқан адамға көмектеспек болып, өзі судан шыға алмай қалған.
Қайғылы жағдайға байланысты Қонаев қаласының әкімі Асхат Бердіханов әлеуметтік желіде көңіл айтып, марқұмның әрекетін нағыз ерлікке теңеді.
Бұл әрекет – нағыз ерліктің, жанқиярлықтың және азаматтық қадір-қасиеттің үлгісі. Шешуші сәтте Андрей өз қауіпсіздігін ойламастан, қиындыққа тап болған адамға көмекке ұмтылды. Мұндай қадамға тек жүрегі кең, мінезі мықты адам ғана бара алады
Сондай-ақ әкім қала тұрғындарының атынан марқұмның әкесіне, бауырына және туған-туыстарына көңіл айтып, Андрей Козятинскийдің ерлігі Қонаев тұрғындарының жадында сақталатынын жеткізді.