Қарағандыда жеке секторлардың бірінде иттің жан даусы шыққаннан кейін тұрғындар алаңдаушылық білдірді. Үй иесі сыртқа жүгіріп шыққанда, үй жануарының аяғы тар темір карабинге қысылып қалғанын байқайды. Итті өз күшімен босата алмаған азамат бірден «112» қызметіне хабар берген, дейді Qandastar.kz.
Оқиға орнына ТЖД Жедел-құтқару жасағының мамандары жедел жетті. Қорқып тұрған жануардың жағдайын ескерген құтқарушылар аса сақтықпен әрекет етті.
Арнайы құралдардың көмегімен темір бөлігі кесіліп, иттің аяғы еш жарақатсыз босатылды.
ТЖМ құтқарушылары үшін әрбір тіршілік иесінің өмірі маңызды.