Португалиялық танымал футболшы, «Манчестер Юнайтед» клубының бұрынғы ойыншысы Луиш Нани әлеуметтік желі қолданушыларының ықыласына бөленді. Бұл туралы Qandastar.kz сайты хабарлады.
Желіде тараған бейнежазбада спортшының көшеде мектеп оқушыларымен бірге волейбол ойнап жүрген сәті түсірілген. Кадрларда Нанидің балалармен доп ойнап, оларға көтеріңкі көңіл-күй сыйлағанын көруге болады.
Футболшының балалармен еркін араласып, қарапайым ойынға қосылғаны әлеуметтік желі қолданушыларының назарын аударды. Көпшілік спортшының бұл әрекетіне жылы пікір білдіріп, оның қарапайымдылығын атап өткен.