«Қазақмыс» еңбек ұжымының өтініштерімен жұмысты жалғастырып, қызметкерлермен кері байланыс орнату бағытында жаңа шешім қабылдады. Компания басшылығымен тікелей байланыс орнату тәртібін жетілдіру мақсатында барлық басқару деңгейіндегі басшылардың жұмыскерлерді жеке қабылдау кестесі бекітілді. Бұл туралы Qandastar.kz сайты хабарлады.
Бірыңғай кесте «Қазақмыс корпорациясы» ЖШС мен оның құрамындағы компаниялардың басшыларына қатысты енгізілді. Бұл жұмыскерлердің басшылыққа жүгіну тәртібін жүйелеуге және жеке мәселелерін тікелей жеткізуге мүмкіндік береді.
Сонымен қатар басшылардың еңбек ұжымдарымен ай сайынғы кездесулері жалғасады. Жеке қабылдаулар өндірістік алаңдарда, оның ішінде басшылардың кеніштер мен басқа да нысандарға жұмыс сапарлары кезінде, сондай-ақ бейнеконференция форматында өткізіледі.
Компания еңбек ұжымымен тікелей диалогты одан әрі дамытып, басқарудың барлық деңгейінде кері байланыс тетіктерін жетілдіруді жалғастыратынын мәлімдеді.