Қазақстанның шағын футбол құрамасы Албанияда өтіп жатқан Socca European Championships турнирінде финалға шықты, деп хабарлайды Qandastar.kz сайты Sportarena.kz порталына сілтеме жасап.
Жартылай финалда қазақстандықтар мажарстандық командамен кездесіп, 2:0 есебімен жеңіске жетті. Бірінші таймда Темірлан Әділов пен Диас Егінжанов гол соғып, ұлттық құрамаға басымдық әкелді. Үзілістен кейін де Қазақстан құрамасы алған артықшылығын сақтап қалды.
Осы жеңістің арқасында Қазақстан финалға жолдама алып, шешуші ойында Сербия мен Испания арасындағы матч жеңімпазымен кездеседі. Финалдық кездесу Астана уақыты бойынша 24 мамыр күні сағат 23:00-де басталады.
Айта кетейік, бұған дейін Эмиль Ахмеджанов Ташкентте өткен Challenge Cup кезеңінде жеңімпаз атанған болатын.