Қазақстан футбол федерациясы ұлттық құраманың бас бапкері Талғат Байсуфиновтың қызметінен кету туралы шешім қабылдағанын хабарлады, деп хабарлайды
порталы.
Федерация мәліметінше, бас бапкердің отставкасы қабылданды.
ҚФФ оның шешіміне құрметпен қарап, ұлттық құраманы дамыту жолындағы еңбегі үшін алғыс білдірді.
Талғат Байсуфинов жетекшілік еткен кезеңде Қазақстан құрамасы бірқатар маңызды нәтижелерге қол жеткізді.
Атап айтқанда, әлем чемпионатының іріктеу кезеңінде Бельгия құрамасымен өз алаңында тең ойнап, халықаралық аренада бәсекеге қабілетті екенін көрсетті. Сонымен қатар команда ФИФА рейтингіндегі көрсеткішін жақсартты.
ҚФФ бас бапкердің кәсібилігі мен ұлттық футболды дамытуға қосқан үлесін жоғары бағалап, алдағы қызметіне табыс тіледі.
Федерация бапкерлер штабына қатысты келесі шешімдер туралы қосымша ақпарат кейінірек жарияланатынын мәлімдеді. Ал ұлттық құраманың алдағы матчтарға дайындығы жоспарлы түрде жалғасуда.