Қазақстанда жол-көлік оқиғалары салдарынан адам өлімі жиі тіркелетін бірқатар бағыт белгілі болды, деп хабарлайды
порталы.
Бұл туралы Ішкі істер министрі Ержан Сәденов мәлімдеді.
Министрдің айтуынша, адам өлімінің шамамен жартысы республикалық маңызы бар автожолдарға тиесілі. Қазір ведомство апатты учаскелердегі қауіпсіздікті күшейту мәселесін қарастырып жатыр.
Адам өлімі ең көп тіркелген бағыттардың қатарында:
- Алматы – Ташкент – 60 адам;
- Алматы – Бішкек – 33 адам;
- Шымкент – Самара – 19 адам;
- Алматы – Көкпекті – Көктал – 17 адам;
- Ақтөбе – Атырау – 14 адам;
- Алматы – Өскемен – 12 адам.
Сәденов жолдардың қауіпсіздігіне олардың техникалық жағдайы тікелей әсер ететінін атап өтті. Оның мәліметінше, қазіргі талаптарға республикалық жолдардың небәрі 16 пайызы сәйкес келеді.
Министр қауіпсіздікті арттыру үшін бірінші санаттағы шамамен 6 мың шақырым жаңа жол салу қажеттігін айтты.
Мұндай жолдардың тиімділігі Қарағанды мен Алматы арасындағы төрт жолақты магистраль мысалынан байқалады. Жаңа жол іске қосылғаннан кейін осы бағыттағы адам өлімі 47 пайызға азайған.
Бұл көрсеткіш көлік қозғалысын заманауи талаптарға сай ұйымдастыру жолдағы қайғылы оқиғалардың санын азайтуға мүмкіндік беретінін көрсетеді.