Моңғолия астанасы Ұлан-Батырда өтіп жатқан таеквондодан Азия чемпионатында қазақстандық спортшы Самирхон Абабакиров жүлделі орыннан көрінді, деп хабарлайды Qandastar.kz сайты Zakon.kz порталына сілтеме жасап.
Қазақстан құрамасының мүшесі 63 келіге дейінгі салмақ дәрежесінде өнер көрсетті. Ол сәтті жекпе-жектер өткізіп, турнирдің жартылай финалына дейін жетті.
Жартылай финалда Самирхон ирандық спортшы Махди Хаджимусаимен кездесті. Финал жолдамасы сарапқа салынған кездесуде қарсыласы 2:0 есебімен басым түсті.
Нәтижесінде Самирхон Абабакиров Азия чемпионатының қола медалін иеленді.
Айта кетейік, бұған дейін қазақстандық таеквондошылар Еркебұлан Еңсегенов (54 келіге дейін), Назым Махмұтова (73 келіге дейін) және Эльдар Бірімбай (74 келіге дейін) де құрлықтық додада қола жүлдеге қол жеткізген болатын.