Мазмұнға өту
qandastar.

Қазақстандықтардың несиесі 18 трлн теңгеге жетті

bahitzhanabzal
Қазақстандықтардың несиесі 18 трлн теңгеге жетті

Оның ішінде 716 млрд теңге несиені төлей алмай жүр, деп хабарлайды qandastar.kz Қаржы мониторингі агенттігіне сілтеме жасап.

Биылғы 1 маусымдағы ақпаратқа сүйенсек, елімізде екінші деңгейлі 21 банк жұмыс істейді. Оның 11-і шетелдің қатысуымен, ал 8-і еншілес банк.

Банк секторының активтері негізінен өтімді активтердің 3%-ға немесе 598 млрд теңгеге өсуі есебінен мамырда 1,6%-ға немесе 853 млрд теңгеге ұлғайып (2024 жылдың басынан бері 3,5%-ға немесе 1,8 трлн теңгеге өсу), 53,3 трлн теңгені құраған.

– Екінші деңгейдегі банктердің өтімділігі жоғары активтері 15,8 трлн теңгені немесе активтердің 29,6%-ын құрады, бұл банктерге міндеттемелеріне толық көлемде қызмет көрсетуге мүмкіндік береді. 2024 жылдың мамырында екінші деңгейдегі банктер экономикаға берген кредиттер 1,4%-ға 29,5 трлн теңгеге дейін (2024 жылдың басынан бері 5,6%-ға өсу), оның ішінде ұлттық валютада 1,4%-ға 27,2 трлн теңгеге дейін, шетел валютасында 1,8%-ға 2,4 трлн теңгеге дейін ұлғайды. Нәтижесінде теңгедегі кредиттердің үлес салмағы 2024 жылғы 1 маусымдағы жағдай бойынша 92,0%-ды құрады,– делінген ХАБАРЛАМАДА.

Бөлісу: Telegram WhatsApp