Қазақстанның Энергетика министрлігінің мәліметінше, 2026 жылғы 14 тамызда елдің энергетикалық жүйесінде электр қуаты ағындарының күрт өзгеруі тіркелді. Бұл жағдай Орталық Азияның бірыңғай энергетикалық жүйесіндегі электр энергиясы алмасуының кенет өзгеруінен туындаған, дейді Qandastar.kz сайты.
Соның салдарынан апатқа қарсы автоматты қорғаныс жүйесі іске қосылып, қауіпсіздікті қамтамасыз ету мақсатында еліміздің бірқатар өңірлерінде тұтынушылар уақытша электр желісінен ажыратылды.
Қазіргі уақытта жүйелік оператор «KEGOC» АҚ электрмен жабдықтауды толық қалпына келтіру жұмыстарын жүргізіп жатыр. Министрліктің хабарлауынша, кейбір өңірлерде электр энергиясын беру қайта жанданған.
Энергетика министрлігі жағдайды тұрақты бақылауда ұстап отырғанын мәлімдеп, электрмен жабдықтауды толық қалпына келтіру барысы туралы қосымша ақпарат кейінірек жарияланатынын хабарлады.