Қазақстанда алғаш рет Forbes журналының «30/30» рейтингіне енген кәсіпкер қамауға алынды. Бұл туралы Qandastar.kz ақпарат порталы Instagram желісіндегі Syrmedia.kz парақшасына сілтеме жасап хабарлайды.
Кәсіпкер Игорь Ем - төлем жүйелерімен айналысатын OneVision компаниясының иесі.
Тергеу мәліметінше, оның фирмасы Қазақстан аумағында «Бонами» атауымен жұмыс істеген тыйым салынған Pin Up онлайн-казиносының қаржылық операцияларын жүргізген.
Қаржы мониторингі агенттігінің дерегіне сәйкес, қазақстандықтар аталған заңсыз онлайн-казинода шамамен 600 млрд теңге ұтылған.
Бір уақыттары азаматтардың құмар ойынға тәуелділігінен мол пайда тапқан кәсіпкер үшін жағдай күрт өзгерді. Құқық қорғау органдары оның қызметіне нүкте қойып отыр.