Маңғыстау облысының әкімі Нұрдәулет Қилыбай бұрынғы тоқалынан туған ұлына алимент төлеп отырғанын айтты. Бұл туралы Qandastar.kz ақпарат порталы Instagram желісіндегі bairaq_media парақшасына сілтеме жасап хабарлайды.
Нұрдәулет Қилыбайдың сөзінше, оның облыс әкімі ретіндегі жалақысы - 1 миллион 900 мың теңге. Сол айлықтың 25% пайызынан некесіз туылған ұлына алимент төлеп отырғанын айтты. Бұл шамамен 475 мың теңге. Бірақ баласымен араласпайтынын ашық мойындады.
Айта кетсек, бұған дейін бұрынғы Маңғыстау облыстық мәслихатының экс-депутаты Ынташ Наурызова есімді әйел әлеуметтік желіде бірнеше рет мәлімдеме жасап, әкімнің ұлы үшін жауапкершілік алмағанын айтқан болатын. Алайда, бүгін Маңғыстау басшысы ұлын тану үшін сотқа алдымен өзінің жүгінгенін жеткізді.